نســــيـــــم العـــــــمر

انت الان فى عالمى الخاص^_^



اول مرة اخد بالى ان نظرات العين دى عايزالها علم لوحدها

ازاى نظرة العين بتقدر تترجم كل اللى جوا الإنسان بالسهولة دى

ازاى بتكشفه وتخليه شفاف اوى كده؟؟

طيب هى لوحدها كفاية؟؟؟ولا لازم تعبير من ملامح الوجة كمان

مش عارفة حاسة انها كفاية وكفاية اوى كمان

تخرج كل اللى جواك حتى لو مش عايز تقوله

ممكن من نظرة عين بس تفهم اللى قدامك

عايز يقولك ايه


عايز منك ايه

تصدقوا بقى

العين بتستغرب......وبتفرح وتضحك زى ما تبكى وتدمع

وساعات بتعاتب وتسامح.... وتنحنى فى طرفة عين بتواضع

واحيانا بتشكر برموشها.. وتستحى

وزى ما بتهاجم بتاخد مواقف دفاعية كمان

وممكن تلاقيها ساكتة ما بتتكلمش

لكن ساعة ما تتكلم بتقول احلى كلام ولما تتكلم ما بتبطلش

وساعات تنكسر قدام نظرة حادة من اتجاة مضاد

وتلاقيها بردو بتوجه سهام صائبة لاتجاة مش واخد باله

كفاية كده

شكلى هاعبط

^_^



13 comments:

انا مش شايفه عبط خالص
^_^
انتى بتتكلمى عن لغه من اصدق اللغات
لغه مش عايزه لا وسيط ولا مترجم
لغه بنتعلمها قبل ما نتعلم الكلام
لغه العيون من ارقى اللغات
لغه حروفها مش كدابه
اصل العين هى اقرب مرايه لروحك
لو لسانك خبى او حتى ضحكتك عينيكى هتكشفك
^_^
انا كنت كاتبه كلام كتير قبل كده
بس كله راح
:(
نشيله لرد تانى بقى
^_^
خاطره جميله يا كريستالتى
go0o0o0o0o0 o0o0o0o0o0on

ميرو

لغة العيون
أرق وأصدق لغة
علشان كده دايماً اصحابى اللى ع الانترنت احب اوى واتحمس انى اشوفهم
علشان اشوف نظرة عينهم واتاكد انهم يستحقوا فعلاً انهم يكونوا اصحابى
لو اللسان سكت
اكيد العين متقدرش

لكِ تحياتى ولعيونك :)

اه اه من نظرات العيون

بتفضح . . .

فعلا بتخلى الواحد شفاف

بتفكرنى بقول الشاعر

"يخفى لواعجه و الشوق يفضحه فقد تساوى لدية السر و العلن"

د ميرو
انتى اول واحدة تقولى شوفت فى عنيكى نظرة
...

حمامة
الناس فعلا بتبان من عنيها
ومش اى حد يقدر على كلام العيون
ربنا يدمها عليكى نعمة
...

د / نيمو
...
بقالك كتير مش زرتنا
كل مرة تزود بيت شعر او جزء من رواية ..
^_^
افادك الله


منورين يا جماعة البلوج كلها

د / نيمو
...
بقالك كتير مش زرتنا


أصلى كنت مسافر فترة كده و مقعدتش عالنت خالص مدة طويلة


كل مرة تزود بيت شعر او جزء من رواية


ده أسلوب حياة صعب الواحد يغيره . . . كل موقف بيعدى عليا بيفكرنى دايما ببيت شعر أو قصة


..
^_^
افادك الله


أفادنا الله و إياكم

ميرو
انتى اول واحدة تقولى شوفت فى عنيكى نظرة
...

إمممم
نسيت!
ايوه قلتهالك كام مره فاكره بس إمتى
:(

منور يا د نيمو


ميرو

........
يوم ما ورتينى الابليكاشن
فاكرة كانت نظرة ايه؟؟؟

طبعا معاكي حق
العين تقدر تدي كل التعبيرات
بس العين المكونة من عين ورموش و جفون و حواجب
اضربيهم ميكس حلو كده و اعملي اوردر بالاحساس اللي حساه تطلعلك بصة بين قوسين نظرة مفيش بعد كده

مفيش كلام عن للغة العيون

بس مبكتنش كفايه بردو

هى ممكن تكون كبدايه

لكن مينفعش الاعتماد عاليها

اضربهم ميكس
فى الخلاط؟؟؟


هههههه
ماشى يا دوك
..........


عارفاها العيون الكدابة دى
مجرباها يا نونا

منورة البلوج كلهاااا

معلش بقي انا مش شايفه ان كلامك عبط خااااااالص

كل الى انتى بتقوليه صح .. العين هى اكتر حاجه بتعبر عن اى حاجه جوانا

حب .. كره .. حزن .. فرح اى حاجه بتظهر من خلال العين

و لغه العين دى ارقي لغه و ساعات كتير اوووى بتبقي معبره اكتر من اى كلام

كلامك و رائيك عجبنى اوووى

تسلمى يا قمر

السلام عليكم

سورى انا مش عارفة اقرا اسمك

منورة البلوج

ويرسى على رأيك وكويس ان البوست عجبك

ميرسي ياسكره البلوج منور بيكى

اسمى مـــاتى

searching for :

About Me

My photo
alex, Egypt
this is my own world to which i escape.. here u will find me.. my own thoughts & imaginations

Followers

Total Pageviews

هذا ربى

هذا ربى

هذا قرأنى

هذا قرأنى

هذا رسولى

هذا رسولى

دفعة التحرير ..دفعتى

دفعة التحرير ..دفعتى

ودى ان شاء الله ..سنة تخرجى

ودى ان شاء الله ..سنة تخرجى

يارب

آللّهمْ آزْرَعْنْي فْيّ قْلوبْ آلنْآسّ كَآلنْبّتْة آلصَالِحَة
آللّهمْ أجْعَلنِيْ للنْاس قْدْوَة
ولا تْجْعَلنْيِ للنْآسّ عْبْـرَةْ