نســــيـــــم العـــــــمر

انت الان فى عالمى الخاص^_^



بصيت فى المرايا لقيت وحدة تانية
واحدة عايشة فى دنيا تانية

دنيا غير اللى انا شايفاها
دنيا احلى ...لكن ناسياها

فيها هدوء وسكون
ودمع متجمد وسط الجفون

مهما نغير الاسامى ونبدل النفوس

مهما نشوه المعانى وعلى المشاعر ندوس

بردو الصورة زى ماهيا
والملامح هيا هيا

...
يادنيا زيف وخداع ...فيها كل شيىء يتباع

اتعلمى من المرايا...ثابتة شامخة من البداية

جواها معانى وعبر... محفورة فيها للنهاية

هاتعلمك ازاى تكونى ... صادقة وافية ولا يوم تخونى

لكن ليها عيب وحيد

الجرح فيها رأيه عنيد

ولايوم يسيبها ويبعد بعيد

مع الزمن الكسر يزيد
ويهد فيها

ولا تقدر يابن ادم تبنيها من جديد

...
وانا من المرايا اتعلمت... وبهمس سكوتها اتكلمت

مش هانسى فى يوم الاسية
ولاهاسمح لحد يهد فيا
وابعد بعيد يا جرح عنى

مش هاسيبك فى يوم تهينى
ولاتكسر ابدا جزء منى

هافضل كده زى ما انا

زى ماكنت من كام سنة
:d
19/10/2008

5 comments:

ياة
أخيرا كريستال كتبت تاني

الحمد لله ان في مراية
و إلا كنا اتجنينا من زمان

بس في جملة
"مش هانسى فى يوم الاسية"

لية ؟

لية ؟؟

لكن الختام جميل
بل أكثر من جميل

"وابعد بعيد يا جرح عنى

مش هاسيبك فى يوم تهينى
ولاتكسر ابدا جزء منى

هافضل كده زى ما انا

زى ماكنت من كام سنة"

:)
أنا بقول كدة برضة
:)

أول رد كان من نصيبي
:)

أخيرا !

مش هاسيبك فى يوم تهينى
ولاتكسر ابدا جزء منى

هافضل كده زى ما انا

زى ماكنت من كام سنة


اد ايه الواحد بيتمني ان عجله الزمن ترجع وراااااااااااااا علشان نحتفظ بحاجات ضاعت من جوانا من غير مانحس او ربما حسينا بس عجله الزمن سرقت منا القدره علي التحكم


عوده قويه لا تنقطعي عن الكتابه والا انت عرفه
..............

مبروووك الرجوع للتدوين
;;)

في البداية كدا احب اقول ان مرايتك واضح من الصورة ان لونها ابيض و ده لون يتناسب مع طبيعة المرايا الفيزيائية لان زي ما المرايا بتقدر تحتوي بداخلها اي حد او اي شيء يقف قدامها سواء ازرق او بنفسجي زي ما بردو اللون الابيض اللي احاط بالمرايا في الصورة قدر يحتوي بداخله علي 7 ألوان الطيف بتدرجاتهم مما يدل علي حسن انتقاء للمرايا
^_^

عجبني اوي الجزء ده :
هافضل كده زى ما انا

زى ماكنت من كام سنة
:d

............

Wb :)

هى المرايا بتجيب حقيقتى بالظبط
ولا يادوب تعكس شكلى بس وخلاص؟؟؟؟؟!!!!!

searching for :

About Me

My photo
alex, Egypt
this is my own world to which i escape.. here u will find me.. my own thoughts & imaginations

Followers

Total Pageviews

هذا ربى

هذا ربى

هذا قرأنى

هذا قرأنى

هذا رسولى

هذا رسولى

دفعة التحرير ..دفعتى

دفعة التحرير ..دفعتى

ودى ان شاء الله ..سنة تخرجى

ودى ان شاء الله ..سنة تخرجى

يارب

آللّهمْ آزْرَعْنْي فْيّ قْلوبْ آلنْآسّ كَآلنْبّتْة آلصَالِحَة
آللّهمْ أجْعَلنِيْ للنْاس قْدْوَة
ولا تْجْعَلنْيِ للنْآسّ عْبْـرَةْ