نســــيـــــم العـــــــمر

انت الان فى عالمى الخاص^_^

زمان كنت بزعل جداا جداا جداا لما امسك حاجة واتعلق بها اوى
واضطر فى اى لحظة انى اسيبها

بعد كده عرفت ان كل ما امسك حاجة هاتعلق بيها
بس هاضطر فى الاخر انى اسيبها
بس كنت بتضايق بردو

بعدها
يمكن مابقيتش بتضايق زى الاول
بس اتعودت

بعدها
اتعلمت انى كل ما الاقى حاجة ف ايدى
اسيبها قبل ما اتعلق بيها
عشان ابقى سيبتها بمزاجى مش غصب عنى


دلوقتى
انا مشتاقة انى اتعلق بحاجة ولو حتى هاسيبها ف الاخر


ممكن يكون تغير طبيعى
وممكن لأ
ممكن يكون تغيير وحش
وممكن لأ
ممكن يكون احساس وقتى
وممكن لأ

بس الأكيد
انى مش قادرة اقول للتغير ده لأ




3 comments:

انا غايظنى ارغى ارغى دى

انا فاهمه الفكره بتاعتك بضراوه
لانى ساعات بعامل ناس بخناقه لمجرد انى مش عاوزه اتعرف على ناس جداد
او خايفه انى اتعود عليهم

عارفه
المشكله انك بتفكري كتير
بعض الحاجات هتلاقى نفسك بتحبيها وبتتعودى عليها
او على الاصح هتلاقيها بتقتحم حياتك
من غير ما تقدري تقولى لا

التطور الطبيعى للحاجة الساقعة !!
:D

نتكلم بجد.. التطور أو اللي بيحصل ده نتيجة أن شخصيتك بتتحور وبتتغير وللاسف انتي يا اما مش واخدة بالك من التغير ده- وده اللي استبعده تماما- أو انك واخة بالك بس دي حاجة بتحصل وبتحاصرك جواها وانتي كانك متكتفة مش عارفة تقاوميها

مش ضعف منك لأ انتى تقدري وجدا كمان
ولكن مفيش "رغبة"؛

للاسف يا كريستال مري ما حبيت ابدًا لكِ انتي بالذات او لاي حد انه يجرب الاحساس ده

لأن الانسان ساعتها بيفقد كتير اوي حتى احساسه

بس برضه هاقولك انتي تقدري يا كريستال انتي عارفة ده زي مانا واثقة فيه بس المهم انك ترغبي في ده فعلا وتلحقى اي حاجة قبل فوات الاوان

وساعتها لا قدرة ولا رغبة هاتقدر تقف امام " اللاشيء"؛

ربنا يكرمك يا كريستال ويصلح حال الجميع
: )

ممممممممم مفيش اى حاجه ممكن اقولها ليكى غير ان الحال من بعضه وواضح ان اغلب الناس بقت كده دلوقت فمتقلقيش على نفسك ولا تفكرى كتيير علشان مش تتعبى و أدينى رغيت مهو ببلاش بقى

searching for :

About Me

My photo
alex, Egypt
this is my own world to which i escape.. here u will find me.. my own thoughts & imaginations

Followers

Total Pageviews

هذا ربى

هذا ربى

هذا قرأنى

هذا قرأنى

هذا رسولى

هذا رسولى

دفعة التحرير ..دفعتى

دفعة التحرير ..دفعتى

ودى ان شاء الله ..سنة تخرجى

ودى ان شاء الله ..سنة تخرجى

يارب

آللّهمْ آزْرَعْنْي فْيّ قْلوبْ آلنْآسّ كَآلنْبّتْة آلصَالِحَة
آللّهمْ أجْعَلنِيْ للنْاس قْدْوَة
ولا تْجْعَلنْيِ للنْآسّ عْبْـرَةْ