مش عارفة انا بكتب الكلام ده ليه
بس مش عايزة اطلع اللى جوايا فى حتة تانية
ولجل الصراحة ماكنتش عايزة اطلعه خالص
بس بما ان ماحدش بقى يعدى على البلوج من فترة...
حتى انا كنت ناسياها
يعنى ماحدش هايشوفها غير صدفة
بس لازم بعد فترة الراحة الطويلة دى ارجع واتعبها تانى زى ماعودتها
.
.
.
مباشرة من الكبيبورد اراسلكم وبعد يوم محاضرات وسكاشن طوييييييييييل
من الساعة السابعة صباحا خارج البيت الى الساعة السابعة مساءا
وبعد يوم حافل بالمحاضرات العلمية بشتى انواعها و سيكشن مايكرو رحته متاخر وضاع عليا الامتحان واخدت جريد زى الزفت فى السيكشن
اراسلكم بعد عدة من الصدمات
صدمات بشتى انواعها ... صدمة فى ناس كتير وعدد من التصرافات اللى خلاص ما بقيتش قادرة استحملها
براسلكم ودماغى مش فيا
حالة تشتت فظيعة
والجنونة طالعة وخايفة اتصرف تصرف اندم عليه
وفى نفس الوقت مش عايزة افوت الفرصة دى لانى اخد قرار بجد
بس بجد
حاسة انى عايزة ومش عايزة
عايزة اصدق وف نفس الوقت اكدب
عايزة اروح وعايزة اجى
عايزة انام وعايزة اصحى
عايزة اتكلم وعايزة اسكت
عايزة ابعد عن كل الناس وف نفس الوقت خايفة احس انى لوحدى
عايزة اقرب من كل الناس وخايفة اتعلق بحد وبعد كده نبعد كالعادة
عايز اصرخ بجد .... وعايزة اوطى صوتى عشان ماحدش يسمعنى
عايزة اسمع حكاوى كتير وف نفس الوقت مش عايزة اسمع نفس حد حوليا
عايزة اعيط وللاسف بضحك ضحك هيستيرى
عايزة اسمع صوت عقلى وف نفس الوقت حاسة ان احساسى صح زى ما اتعودت طول عمرى
مش عايزة اصدق نفسى وفى نفس ذات الوقت نفسى مش سايبانى اخد فرصتى واقنعها
حاسة بصراع داخلى اقوى من اى يوم عدا عليا طول ال19 سنة وال6 شهور دول
^_^
مش مخنوقة.... ومش زعلانة
بس مش مرتاحة ومش فرحانة
عمرى ما منعت ضحكتى انها تبان على شفايفى
وعمرى ما سمحت لدموعى تتحبس جوايا وتخنقنى
بس النهاردة مش قادرة اعد كام مرة دموعى استقرت فى عنيا
ومنعت الجاذبية الارضية تجذبها كالعادة
ورجعت تانى لعنيا
مش عارفة
جايز حالة وهاتعدى
وجايز كل ده تأثير اليوم الطويل اللى تقريبا ما اخدتش فيه ريست غير ساعة الا ربع
نمتها فى المدرج
وماحدش يضحك لو سمحتم
مش عايزة اصعب على حد
ومش عايزة حد يواسينى
الحالة دى كلنا بنمر بيها
اكيد
انا حالاتى حالات مؤقتة
مسيرها هاتعدى
ماحدش حاول يسأل مالى وفيا ايه عشان انا مش مستحملة
اسفة على قلة ذوقى
بس ده الطبيعى
وماحدش يرد عليا بمواساة
بس لو حد مر بالحالة دى يقولى عمل ايه..
ايووووووووووووه بدأت البوست بهزار ونهيتها بنكد
مافيش فايدة
بس مش عايزة اطلع اللى جوايا فى حتة تانية
ولجل الصراحة ماكنتش عايزة اطلعه خالص
بس بما ان ماحدش بقى يعدى على البلوج من فترة...
حتى انا كنت ناسياها
يعنى ماحدش هايشوفها غير صدفة
بس لازم بعد فترة الراحة الطويلة دى ارجع واتعبها تانى زى ماعودتها
.
.
.
مباشرة من الكبيبورد اراسلكم وبعد يوم محاضرات وسكاشن طوييييييييييل
من الساعة السابعة صباحا خارج البيت الى الساعة السابعة مساءا
وبعد يوم حافل بالمحاضرات العلمية بشتى انواعها و سيكشن مايكرو رحته متاخر وضاع عليا الامتحان واخدت جريد زى الزفت فى السيكشن
اراسلكم بعد عدة من الصدمات
صدمات بشتى انواعها ... صدمة فى ناس كتير وعدد من التصرافات اللى خلاص ما بقيتش قادرة استحملها
براسلكم ودماغى مش فيا
حالة تشتت فظيعة
والجنونة طالعة وخايفة اتصرف تصرف اندم عليه
وفى نفس الوقت مش عايزة افوت الفرصة دى لانى اخد قرار بجد
بس بجد
حاسة انى عايزة ومش عايزة
عايزة اصدق وف نفس الوقت اكدب
عايزة اروح وعايزة اجى
عايزة انام وعايزة اصحى
عايزة اتكلم وعايزة اسكت
عايزة ابعد عن كل الناس وف نفس الوقت خايفة احس انى لوحدى
عايزة اقرب من كل الناس وخايفة اتعلق بحد وبعد كده نبعد كالعادة
عايز اصرخ بجد .... وعايزة اوطى صوتى عشان ماحدش يسمعنى
عايزة اسمع حكاوى كتير وف نفس الوقت مش عايزة اسمع نفس حد حوليا
عايزة اعيط وللاسف بضحك ضحك هيستيرى
عايزة اسمع صوت عقلى وف نفس الوقت حاسة ان احساسى صح زى ما اتعودت طول عمرى
مش عايزة اصدق نفسى وفى نفس ذات الوقت نفسى مش سايبانى اخد فرصتى واقنعها
حاسة بصراع داخلى اقوى من اى يوم عدا عليا طول ال19 سنة وال6 شهور دول
^_^
مش مخنوقة.... ومش زعلانة
بس مش مرتاحة ومش فرحانة
عمرى ما منعت ضحكتى انها تبان على شفايفى
وعمرى ما سمحت لدموعى تتحبس جوايا وتخنقنى
بس النهاردة مش قادرة اعد كام مرة دموعى استقرت فى عنيا
ومنعت الجاذبية الارضية تجذبها كالعادة
ورجعت تانى لعنيا
مش عارفة
جايز حالة وهاتعدى
وجايز كل ده تأثير اليوم الطويل اللى تقريبا ما اخدتش فيه ريست غير ساعة الا ربع
نمتها فى المدرج
وماحدش يضحك لو سمحتم
مش عايزة اصعب على حد
ومش عايزة حد يواسينى
الحالة دى كلنا بنمر بيها
اكيد
انا حالاتى حالات مؤقتة
مسيرها هاتعدى
ماحدش حاول يسأل مالى وفيا ايه عشان انا مش مستحملة
اسفة على قلة ذوقى
بس ده الطبيعى
وماحدش يرد عليا بمواساة
بس لو حد مر بالحالة دى يقولى عمل ايه..
ايووووووووووووه بدأت البوست بهزار ونهيتها بنكد
مافيش فايدة
9 comments:
حاجز الكومنت دة
انا أول واحد برضة
ياااة
كل دة
..
مراسلتنا في قلب الأحداث و قلب الاحساس
أكيد المراسلات دول بيتعبوا جدا و هما بينقلولنا أخبار الحرب
مابالك لما تكون الحرب دي جواهم
أقدر اقول اني متخيل حالتك في اللحظة دي
زي مانتي قلتي كلنا بنمر بحاجة زي كدة
غير اني مابتصدمش في الناس
حتشوفي منهم العجب آة.. لكن مفيش داعي للصدمة
بشر
حتكتشفي بعد كدة انك ممكن تعملي حاجة او تقولي حاجة و دة يصدم ناس تانية
مع انك مش حاسة بكدة
و ممكن تفاجئي باللي يقولك مش مستحمل صدمات منك أكتر من كدة !
كلنا كدة..
براسلكم ودماغى مش فيا"
"حالة تشتت فظيعة
...
"والجنونة طالعة وخايفة اتصرف تصرف اندم عليه"
لأ
بلاش الجنونة
بلاش تطلع.. خليها مكانها !
بجد.. دعيني أؤكدلك إن دي اسوأ حاجة ممكن تطلع من أي حد
بلاش منك
أنا مجرب الجنون
مش الجنون الحلو بتاع
"إعقل يا مجنون"
الرومانسي دة
لأ
الجنون بتاع
" إية اللي بتعمله دة؟.. انت اتجنيت؟"
و النتيجة عمرها ماكانت حلوة
بلاش..
"وفى نفس الوقت مش عايزة افوت الفرصة دى لانى اخد قرار بجد"
أحيانا القرارات بتبقى أعدى أعداء الانسان
مش عارف
قرار و انتي في الحالة دي ؟
حتى لو كان القرار صح
لازم كمان المعاد يبقى صح
و بناءا على كلامك
دلوقتي مش معاد خالص.. خالص
و ماتقلقيش
الفرصة مش حتفوت أبدا
أو هكذا أظن
..
مش عارف
انتي أدرى
حيبقى نوع من البرود اني اعلق على الجزء بتاع المتضادات كخاطرة
لكني لا اخشى الاتهام بالبرود على كل حال
...
جميلة جدا الحتة دي بصراحة
جميلة بجد
...
"عايزة اعيط وللاسف بضحك ضحك هيستيرى"
كلها جميلة
...
نرجع للكلام
مش عارف برضة
أنا آخر واحد يعلق على الكلام دة
.
"مش عارفة
جايز حالة وهاتعدى"
أكيد
"وجايز كل ده تأثير اليوم الطويل اللى تقريبا ما اخدتش فيه ريست غير ساعة الا ربع
نمتها فى المدرج"
ههههههههههههه
"وماحدش يضحك لو سمحتم"
احم
سوري !
"مش عايزة اصعب على حد
ومش عايزة حد يواسينى
الحالة دى كلنا بنمر بيها
اكيد"
عايز أقولك تأكدي زيادة
أيام مش يوم
و حالات مش حالة
..عادي..
"انا حالاتى حالات مؤقتة
مسيرها هاتعدى"
أحسن حاجة انك دايما مدركة دة
...
مالك؟ فيكي اية ؟
"ماحدش حاول يسأل مالى وفيا ايه عشان انا مش مستحملة
"
احم
سوري تاني !!
معلش.. شدة و تزول
"وماحدش يرد عليا بمواساة
"
و بعدين بقى !
مش عارفين نتكلم في البلوج دة
"بس لو حد مر بالحالة دى يقولى عمل ايه..
"
مريت
لكن ماقدرش اقولك تعملي اية
لأني معرفش
ماينفعش أقول كلام تقليدي.. لأنك حافظاه و كلنا حافظينه
بس اللي أقدر أقولهولك.. لما تلاقي مخرج
لما تلاقي فرصة
تخرجي من الحالة دي
اسمعي كلامي
..
اسمعي كــلامــي
ماتقوليش لأ
امسكي فيها
اوعي تكوني "عايزة" الحالة دي
................
أظن دة أطول كومنت في التاريخ !
يا رب ماتكونيش نمتي في النص زي المدرج
^_^
منتظرين منك المزيد
و تطلعي دايما هنا مش في حتة تانية
حد لاقي يبقى عنده بلوج و يروح يطلع في حتة تانية برضة
دة كلام
البلوج منتظراكي تتعبيها زي ماهي متعودة
:)
ممممممممممممممممم
أعتقد إن الحالة دى نشأت من اللى بيتعمل فينا بالكلية
أنا كان عندى نفس الشعور ده يالضبط من يومين
و كله كان بسبب الكلية
يوم طويل عريض
أتبهدلنا فيه أخر بهدلة
و شوفنا فيه كمية قهر مبالغ فيها
و كالعادة مفيش حاجة فى إيدينا نعملها
و كالعادة مفيش فايدة
أنا مبحبش أفسر كل حاجة بنظرية المؤامرة
بس حاسس إن اللى بيتعمل فينا ده مقصود
عشان ميبقاش فى فرصة عندنا نعمل أى حاجة
معلش أنا ردى ملخبط و مشتت
بس أعتقد إن ده يتفق مع البوست
^_^
بس أعتقد برضك إن الحالة دى مؤقتة
و يومين و حتعدى
و غيرها بيعدى
و كما قال الشاعر
أيام و بنعيشها
^_^
ياااااااااه
مش عارف اقول ايه
ولا أقوللك
اسمعي اغنية المرايا
:)
"مش عارفة انا بكتب الكلام ده ليه
بس مش عايزة اطلع اللى جوايا فى حتة تانية"
في رأيي الشخصي ان فايدة المدونة انها تنقذنا من الموضوع ده
انا عن نفسي استخدمتها كتييييييييييير في اني اخرج حاجات من جوايا عشان متبقاش محبوسة و مفكرش فيها كتير و يمكن مبقتش بالجألها غير للسبب ده و بس بعيدا عن اي تدوين ابداعي او ما شابه
----------------------------------
"اراسلكم بعد عدة من الصدمات
صدمات بشتى انواعها ... صدمة فى ناس كتير وعدد من التصرافات اللى خلاص ما بقيتش قادرة استحملها
براسلكم ودماغى مش فيا
حالة تشتت فظيعة"
علي قد ما الواحد بيتاثر من ان الحاجات ديه تيجي ورا بعضها علي قد ما بعد انقشاع الغيمة يفرج بان الموضوع ده حصل لانه بمثابة منبه مظبوط علي مواعيد صحيان و بيعمل سنووذ من خلالها الواحد لو كان ماشي علي التراك و حود شوية فالموضوع ده بيخليه يرجع تاني للتراك و لاتخاذ قرارت صائبة في الجزء القادم من حياته
:)
----------------------------
"وفى نفس الوقت مش عايزة افوت الفرصة دى لانى اخد قرار بجد
"
امممممممم
من رأيي خليه شبه قرار لكن متخليهوش قرار نهائي عشان لو حبيتي تعدلي فيه يفضل قدامك الفرصة
الا لو فعلا الدلائل كلها بتقول ان ده القرار الصح
--------------------------
"عايز اصرخ بجد .... وعايزة اوطى صوتى عشان ماحدش يسمعنى
"
لما قريت الجملة ديه افتكرت السنة اللي فاتت كنت ساعات باتخيل حاجة من حاجتين
الاولي اني في أودة من النوع اللي الجدران بتوعها عازلين للصوت و لونهم ابيض و عايز اطلع اللي في عقلي بصوت عاااالي و انا متاكد ان محدش سامع الكلام ده الا انا بس يكفي انه طلع من جوا عقلي و سمعته ودني
التانية اني في مدينة مليانة شوارع و حواري بس مهجورة من البشر و كل ماجري في شارع او زقاق بعلو صوتي باقول كل اللي نفسي اقوله و باعلي صوت
-----------------------------------
"جايز حالة وهاتعدى
"
كلو بيعدي
بس المهم ان زيارته لينا متبقاش عالفاضي
:)
-----------------------------------
"
بس لو حد مر بالحالة دى يقولى عمل ايه..
"
نفس السؤال اللي في مطلع اغنية المرايا
بس من رأيي .. لو الفرصة مناسبة جدا و ادلتها كتير لاتخاذ قرار مناسب
يبقي اليوم ده اهم حاجة الخروج منه باستنتاج ما بحيث ميبقاش حصل كل ده علي الفاضي
و هداكي الله الي ما فيه أرشد أمرك
:)
لأ فيه فايدة
:)
أنا مش هسال مالك فيه أيه ولا هاوسيكي
لأن لو أنتي عارفة مالك وفيكي ايه ماكنتيش كتبتي كلمة واحدة من دول !
عموما مش هاقول كلام نظرى وحاجات كلنا عارفينها كويس أوي
لأننا مش كمبيوتر هاتدخل عليه المعلومات عن طريق سي دي وهو يقراها
لأ الموضوع مختلف تماما
ولو كانت لهانت كمل يقال
:)
كل ده عادي جدا جدا جدا
وضع طبيعي أو للاسف اصبح الطبيعي والطبيعي هو اللي أصبح غير طبيعي
عاوزة تعيطي ليه اساسا تمسكي دموعك وضد الجاذبية ومحسساني ان هاتطلعي القمر كمان شوية !
أبسط حاجة عاوزة تبكي ابكى
ما تترجميش مشاعرك بعكسها وتضحكي
مكسوفة مش عاوزة قدام حد او مش بتحبي ده معاكي ماحدش بيحب يبكي قدام نفسه مش قدام حد
بس لو اتيحت لكي الفرصة ابكي
عاوزة تضحكى اضحكي
لكن اوعي واياكي وحذاري تعملى او تترجمي مشاعرك بعكسها
عارفة ليه
هايحصل فتور
وهتلاقي نفسك بتتحولي لكائن ما
عارفة مين الكائن ده
اللي خانقك دلوقتى ومش عارفة مالك ولا فيكي ايه !!
أبسط حاجة بدل اللك دا كله
حاولي ترجعي لكريستال أو الانسانة اللي كنتي تعرفيها كويس جدا فوق اي حد ما يتخيل
اوعي تندمجي في تيار معين وتتحولي لكائن لا هاتعرفيه ولا هاتفهميه وهاتتعذبي وخلاص
وهاتبقي حياتك ياء الف مش الف ياء
!
اعرفي أنك تقدري بلاش يا كريستال بلاش صدقيني
أوعي تستسلمى للارادة اللي بتسحبك دي
صدقيني عمرك ما هاتعوزيها عمرك
...
وبقولك ايه ما تزعليش ضاع عليا امتحان الميكرو برضه
:::
وطلعت عيني في السكشن
=))
ويللا كل بوست وأنتي طيبة
ولكي الشرف أني بعد طول صمت وانقطاع نورتلك البلوج
قلتيلى أنتي كام فولت؟؟؟
=))
سي يو سووووووون
:)
بقولك عاوزاكي تنوري بلوجي اللى لسه ما اتفتحش
لوووول
لأ بجد
هايعجبك باذن الله
:)
مدخلتش من زمان و البوست ملوش حل
بس معلش إسمحيلي أحطهم
" . . . "
للأسف معنديش غيرهم رداً علي كلامك
.
dr.miro
نفس شعورى الحالى
من قوة الصدمة فقدت الاحساس نفسه
السلام عليكم
احم
انا اسفة اوى لاى فرد رد هنا فى النوت دى بجد
انا كنت قليلة الذوق جدا لانى ما رديتش عليكم
بس بجد انا ما كان فيا نفس اكلم نفسى عشان اعرف ارد على حد
كنت بسمع وبس من غير ما اتكلم
.....
رغم انى مارديتش عليكم الا ان كل كلمة قلتوها انتو مش عارفين انا استفدت بيها ازاى
ونفذتها زى ما قلتم
بجد كلكم كنتم خير معين
انا بكرر اسفى تانى
وبشكركم فعلا على روح الاخوة دى
دمتم لى اخوة فى الله
^_^
ياريت لو حد قرا الاعتذار
يرد عليا ويقولى انه مش زعلان منى
:)
Post a Comment